HARYT AŞAKYDAKY ÝAGDAÝLARDA KEPILLIK BEJERILIŞINE KABUL EDILMEÝÄR:

1. Kepillik talonynyň (inwoýsyň) ýa-da alyjynyň golunyň ýoklugy;
2. Önümi ulanmak düzgünleriniň bozulmagy;
3. Önümi önümçilik ýa-da professional maksatlar üçin ulanmak, öndüriji tarapyndan maslahat berlen ýüküň artykmaç berilmegi;
4. Özbaşdak edilen abatlaýyş yzlarynyň bolmagy (islendik açyş), öndürijiniň möhürleriniň bozulmagy (zawod nurbatlarynyň zeperlenmegi);
5. Mehaniki zeperleriň bolmagy (döwülmeler, çaknyşyklar, oýuklar, çyzylmalar, çişmeler, ýanma we tüssäniň yzlary, üzülip ýa-da ýanyp giden geçirijiler);
6. Periferiýa enjamlaryny birikdirmek üçin niýetlenen portlaryň (USB, LAN, HDMI, VGA, DVI, PS/2 we ş.m.) nädogry ulanylmagy netijesinde dörän näsazlyklar, bu ýagdaý gysga utgaşma sebäp bolup biler;
7. Içine keseki zatlaryň, skrepkalaryň, mör-möjekleriň, suwuklyklaryň düşmegi, aşa tozan ýa-da hapa ýygnanmagy, şeýle hem (suw, kofe, çaý we ş.m.) yzlarynyň bolmagy netijesinde dörän näsazlyklar;
8. Himiki, elektrohimiýa ýa-da elektrostatik zeperleriň bolmagy. Elektrik, aragatnaşyk we kabel torlarynyň döwlet standartlaryna laýyk gelmezligi sebäpli dörän zeperler;
9. Önümiň programma-enjam bölegi bilen nädogry işlenmegi (Flash-BIOS täzeden ýazmak);

KEPILLIK AŞAKYDAKYLARY ÖZ IÇINE ALMAÝAR:

1. Bu önüm bilen bilelikde işleýän beýleki enjamlara ýetirilen zyýan;
2. Sarp edilýän materiallar (çap ediji kelleler, reňk lentlary, kartrijler, disketa, diskler, tok kabelleri, zarýad berijiler, batareýalar), şol sanda taýýar önüm bilen bilelikde bolanlary. Olar diňe zawod kemçiligi bolan ýagdaýynda satyn alnan gününden başlap 14 günüň dowamynda çalşyrylyp bilner;
3. Üç sanydan köp bolmadyk işlemeýän piksel peýda bolan ýagdaýynda (monitor ekranlarynda, LCD telewizorlarda, mobil enjamlarda we ş.m.);
4. Öňünden gurnalan programma üpjünçiligi (WINDOWS, draýwerler, antiviruslar). Olary dikeltmek aýratyn töleg esasynda amala aşyrylar, bahasy barada öňünden habar berler;

---

KEPILLIK ABATLAÝYŞY 7 (ÝEDI) IŞ GÜNÜNIŇ DOWAMYNDA DIŇE SERVIS MERKEZINDE AMALA AŞYRYLAR, sebäbi kemçiligi (nikany) anyklamak we ony aradan aýyrmak üçin zerur diagnostika geçiriler. Näsazlygy anyklamak döwründe jedelli ýagdaýlar ýüze çykan halatynda abatlaýyş 14 (ONDÖRT) iş gününe çenli uzaldylyp bilner. Abatlamak mümkin bolmadyk ýagdaýynda haryt çalşyrylar, ýöne diňe aşakdaky şertler berjaý edilende:

- Harydyň resminamasynda görkezilen doly komplektasiýa (asyl gaplama, diskler, resminamalar, tok kabelleri, tok bloklary we ş.m.) hem-de gaplama materiallary hödürlenen ýagdaýynda;

- Satyn alnan harydyň bitewüligi saklanyp, çyzylmalarsyz we degişli haryt görnüşi üpjün edilen ýagdaýynda. Önümiň komplektiniň bozulmagy (draýwerleriň, resminamalaryň, birleşdiriji kabelleriň, berkidiji serişdeleriň ýa-da asyl gaplamanyň ýoklugy) ýagdaýynda diňe ABATLAÝYŞ amala aşyrylar.

Kompaniýa kepillik hyzmatynda bolan satyn alnan enjamy ulanmagyň mümkin bolmazlygy bilen bagly maglumatlaryň ýitirilmegi, işjeňligiň togtadylmagy ýa-da iş maglumatlarynyň ýitirilmegi üçin jogapkärçilik çekmeýär.